Bakı. Trend:
Fransanın Marsel şəhərində 15 yaşlı şəxsin yandırılmış meyiti aşkar edilib.
Trend xəbər verir ki, məlumatı BFMTV telekanalı mənbələrə istinadən yayıb.
Məlumata görə, mərhumun meyiti uşaqlar üçün oyun meydançasında tapılıb və şəxsiyyəti müəyyən edilib. Bildirilir ki, mərhumun əvvəllər məhkumluğu olmayıb.
Hadisə ilə bağlı “mütəşəkkil qrup tərəfindən törədilən qətl” və “cinayətkar sövdələşmə” maddələri üzrə istintaq aparılır. Araşdırmaya yaxın mənbə telekanala bildirib ki, meyitin yanında giliz aşkar olunub.
Telekanalın həmsöhbətləri qeyd ediblər ki, şəxs əvvəlcə öldürülüb, sonra isə meyiti yandırılıb. Marsel prokuroru Nikola Besson cinayətin xarakteri ilə bağlı qətlin narkotrafiklə əlaqəli ola biləcəyini istisna etmir.