Bakı. Trend:
Avropa İttifaqına üzv ölkələr Çindən daxil olan kiçik bağlamalara vergi tətbiqi ilə bağlı razılığa gəlib.
Trend xəbər verir ki, bu barədə xarici KİV-lər məlumat yayıb.
Məlumata görə, məqsəd Çindən gələn ucuz mal axınının qarşısını almaqdır.
2026-cı il iyunun 1-dən etibarən İttifaq ərazisinə Çindən daxil olan bağlamalara azı 3 vergi tətbiq ediləcək. Bir bağlamada müxtəlif mallar olduğu təqdirdə hər məhsula ayrı-ayrılıqda vergiyə cəlb ediləcək.
2024-cü ildə Avropa İttifaqına hər birinin dəyəri 150 avrodan aşağı olan 4,6 milyard ədəd bağlama daxil olub. Onların 91 faizi Çindən gəlib.