Bakı. Trend:
ABŞ-nin Kaliforniya ştatında baş verən qasırğa nəticəsində ən azı üç nəfər ölüb.
Trend-in məlumatına görə, bu barədə "Forbes" jurnalı xəbər verib.
Ştatın cənubunda yağışlı hava şəraiti hökm sürüb, əsən güclü küləyin sürəti 40 m/s-dən çoxdur. Kaliforniyanın şimalında isə güclü qar yağışı müşahidə olunur.
Əlverişsiz hava şəraiti səbəbindən Milad ərəfəsində ştatda 110 mindən çox müştəri işıqsız qalıb. Kaliforniya qubernatoru Qevin Nyusom Los-Ancelesdə və ətraf ərazilərdə fövqəladə vəziyyət elan edib.