Bakı. Trend:
Venesuelanın müvəqqəti prezident səlahiyyətlərini icra edən Delsi Rodriges ABŞ ilə əməkdaşlıq etməzsə, “çox ağır bədəl” ödəyəcək.
Trend-in məlumatına görə, bu barədə ABŞ prezidenti Donald Tramp "The Atlantic" nəşrinə müsahibəsində deyib.
"Əgər o, düzgün addımlar atmasa, çox ağır, bəlkə də Madurodan daha yüksək, bədəl ödəyəcək", - deyə o bildirib.
Qeyd edək ki, bir gün əvvəl ABŞ prezidenti Donald Tramp Venesuela prezidenti Nikolas Maduro və həyat yoldaşının tutularaq ölkədən çıxarıldığını açıqlayıb.
O bildirib ki, Amerika Birləşmiş Ştatları Venesuelaya və onun lideri Prezident Nikolas Maduroya qarşı uğurlu genişmiqyaslı hücum həyata keçirib:
"Bu əməliyyat ABŞ hüquq-mühafizə orqanları ilə birgə icra olunub. Ətraflı məlumat veriləcək. Bu gün Mar-a-Lago-da mətbuat konfransı keçiriləcək. Bu məsələyə diqqət yetirdiyiniz üçün təşəkkür edirəm!"