Bakı. Trend:
Nepalda sərnişin avtobusunun yüksək dağlıq yoldan dərəyə aşması nəticəsində azı 12 nəfər həlak olub.
Trend bu barədə xarici KİV-ə istinadən xəbər verir.
Məlumata əsasən, avtobus 50 metr hündürlükdən Tamakoşi çayının üzərinə aşıb.
Xilasedicilər artıq çaydan altı meyit çıxarıblar. Zərərçəkənlərdən altısı isə xəstəxanada ölüb.
Qəzanın səbəbləri araşdırılır.