Bakı. Trend:
Çinin Çunsin şəhərində torpaq sürüşməsi baş verib. Hadisə nəticəsində azı 8 nəfər ölüb, daha 34 nəfərin taleyi isə naməlum olaraq qalır.
Sinxua agentliyinin məlumatına görə, cümə günü Penşuy Myao və Tuczia Muxtar Rayonunda dağ yamacı çökərək çoxsaylı yaşayış evlərini dağıdıb.
Çinin Mərkəzi Televiziyasının (CCTV) yayımladığı kadrlarda fəlakətin törətdiyi dağıntılar əks olunub.
Hazırda axtarış-xilasetmə əməliyyatı davam edir. Lakin iri qaya parçaları və təkrar torpaq sürüşməsi kimi ikinci dərəcəli təhlükələrin yaranma ehtimalı işləri çətinləşdirir.
Çin Xalq Respublikasının sədri Si Cinpin ikinci dərəcəli fəlakətlərin qarşısının alınmasının vacibliyini vurğulayıb. O, həmçinin aidiyyəti qurumlara hadisənin səbəblərinin araşdırılması və təhlükəsizlik tədbirlərinin gücləndirilməsi barədə tapşırıq verib.
