Cümə günü, oktyabrın 6-da Rusiya FHN-nin iki təyyarəsi ilə müvəqqəti olaraq Gürcüstan ərazisində olan Rusiya vətəndaşlarının RF-yə göndərilməsi davam edəcək. Bu barədə Rusiyanın müvəqqəti işlər müvəkkili İvan Volınkin məlumat verib.
Volınkin vurğulayıb ki, RF FHN-nin İL-76 təyyarələrinin Tbilisi aeroportuna cümə günü, təxminən saat 16.00-da gələcəyi planlaşdırılıb. Bu barədə Trend RBK-ya istinadən xəbər verir.
RF-nin Gürcüstandakı səfirliyindən RİA Novosti-yə verilən xəbərə görə, iki təyyarə ilə 180 rusiyalı evakuasiya olunacaq.