Azərbaycan, Bakı, 9 may /Trend/
Azərbaycan xalqının ümummilli lideri Heydər Əliyevin anadan olmasının 92-ci ildönümü və Böyük Vətən müharibəsində Qələbənin 70 illik yubileyi münasibətilə bu gün Bakının Fəvvarələr meydanında Silahlı Qüvvələrin orkestrinin nümunəvi çıxışı təşkil olunub.
Trend-in məlumatına görə, orkestrin çıxışı saat 14:00-dək davam edib.
Orkestrin çıxışına tamaşa edənlər hərbçilərin hazırladığı yeməklərin dadına baxıblar.
Mayın 10-da da saat 17:00-dan 19:00-dək Bakı şəhərinin müxtəlif yerlərində Silahlı Qüvvələrin orkestrlərinin çıxışları olacaq.
Orkestrlər ümumilikdə 6 nöqtədə çıxış edəcəklər:
- Azadlıq meydanı ilə üzbəüz fəvvarələrin yanı;
- Dənizkənarı Milli Parkdakı nəhəng çarx-karuselin yanı;
- Ukrayna dairəsi yaxınlığındakı Heydər Əliyev adına park;
- Zərifə Əliyeva adına park;
- Zabitlər parkı;
- Fəvvarələr meydanı.
Bundan başqa, Naxçıvan, Gəncə, Şəmkir, Sumqayıt, Bərdə, Beyləqan, Lənkəran, və Qusar şəhərlərində də mayın 9-u və 10-da saat 10:00-dan 14:00-dək Silahlı Qüvvələrin orkestrlərinin nümunəvi çıxışları olacaq.
