Azərbaycan, Bakı, 28 avqust /Trend, müxbir E.İsmayılov/
Bakı-Zabrat yolu əsaslı təmirdən sonra qismən istifadəyə verilib.
Nəqliyyat Nazirliyi "Azəryolservis" ASC-nin mətbuat katibi Pünhan Mürsəliyevin çərşənbə axşamı Trend-ə verdiyi məlumata görə, şəhər şosesinin Zabrat dairəsindən şəhər istiqamətinə bağlı olan 300 metrlik hissəsi də açılıb.
Yolun əsaslı təmir aparılan ümumi ərazisi 6,5 km təşkil edib, yol 6 zolaqlıdır.
Mürsəliyevin sözlərinə görə, növbəti bir neçə gün ərzində 300 metrlik hissənin xətlənməsi və genişləndirilən 200-250 metrlik hissədə isə asfalt örtüyünün son qatının salınması işləri yekunlaşacaq.
"Bu işlər də yaxın günlərdə yekunlaşacaq. Lakin bu gün səhərdən yolun 300 metrlik ərazisi sürücülərin istifadəsi üçün açılıb", - Mürsəliyev qeyd edib.