...

İnam Kərimov: "ASAN xidmət" mərkəzində heç bir neqativ hal qeydə alınmayıb

Cəmiyyət Materials 31 Yanvar 2013 11:43 (UTC +04:00)
"ASAN xidmət" mərkəzinin fəaliyyətə başladığı 15 gün ərzində heç bir neqativ hal qeydə alınmayıb.
İnam Kərimov: "ASAN xidmət" mərkəzində heç bir neqativ hal qeydə alınmayıb

Azərbaycan, Bakı, 31 yanvar /Trend, müxbir İ.İzzət/

"ASAN xidmət" mərkəzinin fəaliyyətə başladığı 15 gün ərzində heç bir neqativ hal qeydə alınmayıb. Trend-in məlumatına görə, bu barədə jurnalistlərə Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin rəisi İnam Kərimov deyib.

"Biz neqativ halların baş verməməsi və şəffaflığın təmin edilməsi üçün daimi tədbirlər görürük. Əgər neqativ hallara yol verən şərait aradan qaldırılsa, neqativ hallar da baş verməz. "ASAN xidmət" mərkəzi də belə mərkəzlərdən biridir", - Kərimov deyib.

Onun sözlərinə görə, yanvarın 15-dən indiyə qədər xidmətin 1 saylı mərkəzinə 6500-ə yaxın vətəndaş müraciət edərək onun xidmətlərindən yararlanıb.

"ASAN xidmət" mərkəzində göstərilən xidmətlərin sayının çoxaldılmasına münasibət bildirən Kərimov bu məsələnin ölkə Prezidentinin fərmanı ilə tənzimləndiyini deyib.

"Əgər Prezident fərman verərsə, xidmətlərin sayına dəyişiklik edilərsə, bizim vəzifəmiz onun icrasını təmin etməkdir", - Dövlət Agentliyinin rəisi vurğulayıb.

Məqalədə:
Xəbər lenti

Xəbər lenti