Azərbaycan, Bakı, 20 iyun /Trend, müxbir Azad Həsənli/
I Avropa Oyunlarında qadınlar arasında stend atıcılığı üzrə yarışların yarımfinalçıları müəyyənləşib. Trend-in məlumatına görə, italiyali Diana Bakosi yarışlarda ən yaxşı nəticə göstərib.
O, 75 xal toplayaraq 2012-ci ildə amerikalı idmançı Kimberli Rodun müəyyənləşdirdiyi dünya rekordunu təkrarlayıb.
Azərbaycanlı idmançı Nurlanə Cəfərova 65 xalla 18-ci olub.
Qeyd edək ki, 19 idmançı yarımfinala çıxmaq uğrunda mübarizə aparıb.