...

Zakir Həsənov: Azərbaycan Əfqanıstanda sülh və sabitliyin bərqərar olması üçün səyləri bundan sonra da dəstəkləyəcək (FOTO)

Gündəm Materials 8 İyun 2018 16:50 (UTC +04:00)
Zakir Həsənov NATO-nun toplantısında iştirak edib.
Zakir Həsənov: Azərbaycan Əfqanıstanda sülh və sabitliyin bərqərar olması üçün səyləri bundan sonra da dəstəkləyəcək (FOTO)

Bakı. Elçin Mehdiyev - Trend:

Müdafiə naziri general-polkovnik Zakir Həsənov Brüssel şəhərində NATO-nun Əfqanıstandakı “Qətiyyətli Dəstək” missiyasına töhfə verən dövlətlərin müdafiə nazirləri səviyyəsində keçirilən toplantısında iştirak edib.

Müdafiə Nazirliyindən Trend-ə verilən məlumata görə, görüşdə Əfqanıstandakı təhlükəsizlik və siyasi vəziyyət, missiyanın gələcəyi, təhlükəsizlik qüvvələrinin saxlanılması üçün tələb olunan maliyyə öhdəçiliyinin 2020-ci ildən sonra da davam etdirilməsi və digər məsələlər müzakirə olunub.

Z.Həsənov iclasda çıxış edərək ölkəmizin Əfqanıstana göstərdiyi dəstək barədə ətraflı məlumat verib. Müdafiə naziri Əfqanıstanda sülhün və sabitliyin bərqərar olunması üçün beynəlxalq ictimaiyyətin səylərinin Azərbaycan tərəfindən bundan sonra da dəstəklənəcəyini bildirib.

Qeyd edək ki, Azərbaycan Respublikasının 120 nəfərlik sülhməramlı kontingenti Əfqanıstandakı “Qətiyyətli Dəstək” missiyasında iştirak edir. Eyni zamanda, Azərbaycan Respublikası NATO missiyasına multimodal tranzit, təlim və Əfqan Milli Ordusu üzrə Etimad Fonduna maliyyə dəstəyi ilə də töhfə verir.

Məqalədə:
Xəbər lenti

Xəbər lenti