Azərbaycan, Bakı, 11 oktyabr /Trend, müxbir K. Zərbalıyeva/
Bakının Nizami rayonunda kanalizasiyada təmir işləri aparan iki fəhlə qazsızmasından boğularaq ölüb. Nizami Rayon Polis İdarəsindən Trend-ə bildirilib ki, NZS qəsəbəsi ərazisində baş vermiş hadisə zamanı dünyasını dəyişən iki nəfər ata-oğuldur. Bir fəhlə isə zəhərlənərək ağır vəziyyətdə Kliniki Tibbi Mərkəzin "Toksikologiya şöbəsi"nə yerləşdirilib.
İdarədən bildirilib ki, hadisə yerində polis əməkdaşları araşdırma aparırlar. Dünyasını dəyişən və xəstəxanaya aparılan fəhlələrin adları hələlik müəyyənləşdirilməyib.