Azərbaycan, Bakı, 3 oktyabr /Trend, müxbir K.Zərbalıyeva/
Azərbaycana qonaq gəlmiş Rusiya vətəndaşı qarət olunub.
Daxili İşlər Nazirliyindən bazar ertəsi Trend-ə verilən məlumata görə, Sumqayıt şəhərinə qonaq gəlmiş Rusiya Federasiyasının Oryol şəhərində yaşayan Emiliya Rodinaya sentyabrın 29-da Dəmir Yolu Stansiyasının yaxınlığında küt alətlə baş nahiyəsindən xəsarət yetirərək 1000 dollar və 40 manat pulunu götürüblər.
Onun ölməsini ehtimal edərək yaxınlıqdan keçən Samur-Abşeron su kanalına atıblar.
Sumqayıt şəhər Polis İdarəsinin əməkdaşlarının həyata keçirdikləri əməliyyat-axtarış tədbirləri nəticəsində şəhər sakini, əvvəllər məhkum olunmuş Azər Əliyev tutulub.