Azərbaycan, Bərdə, 27 dekabr / Trend müxbir Ş. Cəliloğlu/
Bərdə rayonunun Böyük Göyüşlü kəndində 2 nəfərin ölümü, 3 nəfərin xəsarət alması ilə nəticələnən yanğın hadisəsi baş verib.
Trend-in Qarabağ bölgəsi üzrə müxbirinin Bərdə rayon prokurorluğuna istinadən çərşənbə axşamı verdiyi məlumata görə, yanğın bu gün səhər saat 6:00 radələrində Böyük Göyüşlü kəndində Mahir Kazımova məxsus fərdi yaşayış evində baş verib.
Hadisə zamanı evdə olan 1927-ci il təvəllüdlü Kazımova Səyalı Əsəd qızı və onun qızı 1965-ci il təvəllüdlü Kazımova Sevda Heydər qızı ölüb.
Ailənin digər 3 üzvü müxtəlif dərəcəli yanıq xəsarətləri ilə Bərdə rayon Mərkəzi Xəstəxanasına yerləşdiriliblər.
Hadisənin başvermə səbəbi araşdırılır.
Faktla bağlı rayon prokurorluğunda təhqiqat aparılır.