Azərbaycan, Bakı, 4 yanvar /Trend, müxbir M.Əliyev/
Azərbaycanın Qobustan rayonunda ötən gün "VAZ" markalı iki minik avtomobili toqquşub. Trend-in məlumatına görə, bu barədə Fövqəladə Hallar Nazirliyinin çərşənbə günü yaydığı məlumatda bildirilir.
Bakı-Şamaxı yolunun 96-cı kilometrliyində baş verən qəza nəticəsində hər iki nəqliyyat vasitəsi dərəyə yuvarlanıb, həmin avtomobillərdən birində olan 3 nəfər yaralanıb.
Yaralılar xilasedicilər çatana kimi avtomobildən çıxarılıblar.
Məlumatda bildirilir ki, hadisə yerinə gəlmiş xilasedicilər yaralıların aidiyyəti üzrə aparılmasını təşkil ediblər.