...

Bakıda balıqçı gəmisində partlayış zamanı həlak olanların adları məlum olub

Hadisə Materials 16 Fevral 2012 17:54 (UTC +04:00)
Bakı şəhəri, Xətai rayonunda Zığ limanında balıqçı gəmisində baş vermiş partlayış zamanı həlak olanların adları məlum olub.
Bakıda balıqçı gəmisində partlayış zamanı həlak olanların adları məlum olub

Azərbaycan, Bakı, 16 fevral / Trend müxbir K.Zərbalıyeva/

Bakı şəhəri, Xətai rayonunda Zığ limanında balıqçı gəmisində baş vermiş partlayış zamanı həlak olanların adları məlum olub.

Daxili İşlər Nazirliyinin Su Nəqliyyatında Polis İdarəsindən cümə axşamı Trend-ə bildirilib ki, partlayış baş verən "PTS-225" gəmisində gəminin kapitanı Hacı Xalutayev, mexanik Sahib Feyzullayev, matros Maarif Ağayev, qaynaqçı Mehman Hacıyev həlak olub.

Partlayış gəmidə təmir işləri aparılarkən baş verib.

Trend-in cümə axşamı Fövqəladə Hallar Nazirliyinin saytına istinadən yaydığı məlumata əsasən, ilkin məlumata görə, təmir işləri zamanı yaranmış partlayış yanğınla nəticələnib. Yanğın saat 14:10-da yanğınsöndürənlər tərəfindən söndürülüb.

Azərbaycan Dövlət Dəniz Administrasiyasından Trend-ə bildiriblər ki, ilkin ehtimala görə, partlayış baş verən gəmi Qazaxıstanın "Sara" şirkətinə məxsus olub.

Xəbər lenti

Xəbər lenti