Azərbaycan, Bakı, 26 iyul / Trend müxbir K.Zərbalıyeva/
Bakıda məhkuma heroin keçirilməsinin qarşısı alınıb.
Ədliyyə Nazirliyi Penitensiar Xidmətin İctimaiyyətlə əlaqələr şöbəsindən Trend-ə verilən məlumata görə, iyulun 25-də Nizami rayonu ərazisindəki 1 saylı cəzaçəkmə müəssisəsində cəza çəkən Rauf Zülfüqarova tanışı Surxay Budaqov tərəfindən gətirilən sovqata baxış keçirilib.
Baxış zamanı sovqatdakı 5 baş soğanın qabığının altında gizlədilmiş 5 bükümdə xalis çəkisi 2,631 qram olan heroin aşkar edilib.
Qeyd edək ki, Zülfüqarov Cinayət Məcəlləsinin 234.4.1-ci və 234.4.3-cü maddələri ilə ittiham olunaraq 9 il azadlıqdan məhrum edilib və həmin müəssisədə cəza çəkir.
Faktla bağlı təhqiqat aparılır.