Azərbaycan, Bakı, 19 yanvar /Trend, müxbir İ.İsabalayeva/
Azərbaycanın Şabran rayonunda maşın kanala aşıb.
Trend-in şənbə günü Daxili İşlər Nazirliyinin saytına istinadən verdiyi məlumata görə, rayonun Ağbaş kəndi ərazisində Siyəzən rayon sakini Neman Babayev "VAZ-21074" markalı avtomaşını idarə edərkən onu Samur-Abşeron kanalına aşırıb.
Nəticədə avtomaşında sərnişin qismində gedən Cavid Əmirova xəstəxanada tibbi yardım göstərildikdən sonra buraxılıb, sürücünün tapılması istiqamətində tədbirlər davam etdirilir.