Azərbaycan, Bakı, 27 fevral /Trend/
Fevralın 27-də Xəzər rayonunda ümumi sahəsi 220 kv.m olan tövlənin dam örtüyü 150 kv.m sahədə yanıb. Bu barədə FHN-nin rəsmi saytında məlumat verilib.
Tövlənin qalan hissəsi və yaxınlıqdakı digər tövlələr yanğından mühafizə olunub. Yanğın saat 21:50-də yanğınsöndürənlər tərəfindən söndürülüb.
Həmin gün Şəmkir rayonunda vətəndaşa məxsus ümumi sahəsi 208 kv. m olan birmərtəbəli 2 otaq və aynabənddən ibarət evin 1 otağının tavanı 6 kv.m sahədə yanıb. ( 10 kv. m sahədə tavanı sökülmüşdür). Evin qalan hissəsi yanğından mühafizə olunub.
Yanğın saat 00:16-da yanğınsöndürənlər tərəfindən söndürülüb.