Azərbaycan, Bakı, 25 may /Trend/
Yanğın hadisələrinin qarşısı alınıb. Bu barədə Trend Fövqəladə Hallar Nazirliyinin rəsmi saytına istinadən xəbər yayıb.
Məlümatda deyilir ki, Bakı şəhəri, Xətai rayonunda Bakı Avtomobil Zavodunun ərazisində 2 ədəd doğranmaqda olan yararsız avtobus və yaxınlıqda 10 kv.m sahədə taxta qırıntıları yanıb.
Zavod yanğından mühafizə olunub.
Yanğın saat 13:41-də yanğınsöndürənlər tərəfindən söndürülüb.
Həmçinin, Füzuli rayonu, Şükürbəyli kəndində kənd bələdiyyəsinə məxsus ərazidə 15 ha sahəda quru ot yanıb. Yaxınlıqdakı taxıl sahələri yanğından mühafizə olunub.
Yanğın saat 14:47-də yanğınsöndürənlər tərəfindən söndürülüb.
Bununla yanaşı, Hacıqabul rayonu Bakı-Qazax yolunda kənd bələdiyyəsinə məxsus ərazidə 4 ha sahədə quru ot yanıb. Ərazidəki ağaclar yanğından mühafizə olunub.
Yanğın saat 16:59-da yanğınsöndürənlər tərəfindən söndürülüb.