Azərbaycan, Bakı, 3 iyun /Trend, müxbir İ.İzzət/
Gədəbəy rayonunun Poladlı kəndi ərazisində yol-nəqliyyat hadisəsi ölümlə nəticələnib.
Trend Daxili İşlər Nazirliyinin mətbuat xidmətinin məlumatına istinadən xəbər verir ki, iyunun 3-də, gecə saat 02.00 radələrində Gədəbəy rayonunun Poladlı kəndi ərazisində Dəyirmandağ kənd sakini Samir Məmmədov idarə etdiyi "VAZ-2121" markalı avtomaşını aşırıb.
Nəticədə Məmmədov hadisə yerində ölüb, xəsarət almış sərnişinləri - Dəyirmandağ kənd sakinləri Zabit Ocaqverdiyev və Vəkil Yusifov isə xəstəxanaya yerləşdiriliblər.
Hadisə ilə əlaqədar Gədəbəy Rayon Polis Şöbəsi tərəfindən araşdırma aparılır.