Azərbaycan, Bakı, 15 oktyabr /Trend, müxbir Rufiz Hafizoğlu/
İstanbul-Piza reysini həyata keçirən "Türk Hava Yolları" aviaşirkətinin təyyarəsi "Ebola" virusu təhlükəsi səbəbindən təcili eniş edib.
Trend-in "Sabah" qəzetinə istinadən verdiyi məlumata görə, təyyarə Atatürk Hava Limanından havaya qalxandan sonra qadın sərnişinlərdən biri - Banqladeş vətəndaşının səhhəti kəskin pisləşib.
Pilot sərnişinin vəziyyəti barədə məlumatlandırılıb, belə ki, onda "Ebola" virusunun bütün əlamətləri olub.
Təyyarə Romaya təcili eniş edib.