Bakı. Trend:
Braziliyanın Minas-Jerays ştatında sərnişin avtobusu ilə yük maşınının toqquşması nəticəsində ən azı səkkiz nəfər ölüb, 10 nəfər yaralanıb.
Trend-in məlumatına görə, bu barədə " CNN Brasil" televiziya kanalı xəbər verib.
Məlumata əsasən, qəza bazar günü səhər tezdən ştatın şimal-şərqindəki Santa-Kruz-de-Salinas bələdiyyəsindəki federal magistral yolda baş verib. Güclü zərbədən sonra avtobus aşıb və hər iki nəqliyyat vasitəsi yanıb.
Regional yanğınsöndürmə xidmətinin nümayəndələri bildiriblər ki, bütün ölənlər sərnişin avtobusunda olub.
