Bakı. Trend:
Gecə saatlarında Ağcabədi rayonunda çayxanada yanğın faktı qeydə alınıb. Trend-ə Fövqəladə Hallar Nazirliyindən (FHN) verilən məlumata görə, rayonun Sarıcalı kəndində vətəndaşa məxsus ümumi sahəsi 40 kv.m olan çayxananın tavanı 30 kv.m sahədə və 2 ədəd soyuducu yanıb. Hadisə yerinə dərhal FHN qüvvələri cəlb edilib. Çayxananın qalan hissəsi yanğından mühafizə olub.
Yanğın saat 00:47-də yanğınsöndürənlər tərəfindən söndürülüb.