Bakı. Samir Əli - Trend:
Qeyri-sabit hava şəraiti ilə bağlı bu gün səhər saatlarında Bakıda 3 yol qəzası baş verib.
Bu barədə Trend-ə Bakı Şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədov məlumat verib.
Onun sözlərinə görə, yol-nəqliyyat hadisələri nəticəsində ölən və xəsarət alan olmayıb:
"Qəzalarda avtomobillərə ziyan dəyib. Hadisələrin baş verməsinə sürücülərin meteoroloji şəraiti nəzərə almaması səbəb olub".