Bakı. Trend:
Fövqəladə Hallar Nazirliyinin (FHN) helikopteri Gürcüstandakı meşə yanğınlarının söndürülməsi əməliyyatında iştirak edir.
FHN-dən Trend-ə verilən məlumata görə, avqustun 30-da Azərbaycan Prezidenti İlham Əliyevin tapşırığına əsasən, FHN Gürcüstanın Samtsxe-Cavaheti regionunda baş vermiş meşə yanğınlarının söndürülməsinə kömək məqsədilə xüsusi avadanlıqla təchiz olunmuş helikopter göndərib.
Artıq Nazirliyin Aviasiya dəstəsinə məxsus “Ka-32A” helikopteri Gürcüstanın Samtsxe-Cavaheti regionunda baş vermiş meşə yanğınlarının söndürülməsi əməliyyatına başlayıb.