...

Gəncədə silsilə oğurluqlar edən 3 nəfər saxlanıldı

Hadisə Materials 18 Aprel 2018 13:01 (UTC +04:00)
Gəncədə silsilə oğurluqlar edən 3 nəfər saxlanılıb.
Gəncədə silsilə oğurluqlar edən 3 nəfər saxlanıldı

Bakı. Trend:

Gəncədə silsilə oğurluqlar edən 3 nəfər saxlanılıb.

DİN-dən Trend-ə verilən məlumata görə, Kəpəz Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində Gəncə şəhər sakini R.Əliyevin “VAZ-2106” markalı avtomobilini qaçırmaqda şübhəli bilindiklərinə görə saxlanılan şəhər sakinləri Sərxan Mahmudov, əvvəllər məhkum olunmuşlar - Tural Rüstəmov və Məcid Sultanovun digər cinayət əməllərinin də üstü açılıb.

Ətraflarında Baş Cinayət Axtarışı İdarəsi, Kəpəz və Nizami rayon polis idarələri əməkdaşlarının keçirdikləri əməliyyat tədbirləri ilə onların aprelin 12-də və 15-də şəhər ərazisində 3 avtomobildən akkumulyator, habelə digər “VAZ-2106” markalı avtomobilin dövlət qeydiyyat nişanlarını oğurlamaları da müəyyən edilib.

Araşdırma aparılır.

Məqalədə:
Xəbər lenti

Xəbər lenti