Azərbaycan, Bakı, 14 yanvar /Trend/
Yapon alimlər mobil telefonu enerji ilə doldurmağın mümkün olduğu parça ixtira ediblər. Bu barədə Trend Rusiya mətbuatına istinadən xəbər verir.
Yeni superparça enerjini Günəş işığından alır. Belə ki, belə parçadan paltar geyinmiş insan öz mobil telefonunu yükləmək istəyərkən onu öz geyiminə birləşdirməsi kifayətdir.
Yenilik hələ satışa çıxarılmayıb. Çünki onun üzərində hələ bəzi tamamlama işlərinin aparılmasını lazımdır. Bununla belə, ixtira ilə maraqlanan bir sıra istehsalçılar artıq superparçanı yaradanlarla əlaqə saxlayırlar.