ATƏT-in Parlament Assambleyası bazar ertəsi 16-cı sessiyasında "ATƏT regionundakı münaqişələrin tənzimlənməsi" üzrə qətnamə qəbul edib. Bu barədə xəbəri İTAR-TASS yayıb.
Sənəddə Azərbaycan. Moldova və Gürcüstandakı dondurulmuş münaqişələrin bu ölkələrin ərazi bütövlüyü prinsipi və 1999-cu il İstanbul öhdəliklərinin tam yerinə yetirilməsi əsasında sülh yolu ilə tənzimlənməsi üzrə bütün səylərin dəstəklənməsi göstərilir.
Sənəddə həmçinin ATƏT-ə üzv ölkələr arasında sərhədlərin blokada vəziyyətində və bağlı olmasından narahatçılıq ifadə olunur. ATƏT-in Parlament Assambleyası digər münaqişələrin həll olunmasında bəzi münaqişələrin tənzimlənməsi yolunun presedent kimi istifadə olunmasından çəkinməyi tövsiyə edir.