Azərbaycan, Bakı / Trend , müxbir S.İlhamqızı/ Azərbaycan prezidenti İlham Əliyev Gürcüstanın Prezidenti vəzifəsinə yenidən seçilməyi münasibətilə Mixail Saakaşvilini təbrik edib. İlham Əliyev təbrik məktubunda bildirib ki, Azərbaycan və Gürcüstanı tarixən möhkəm dostluq, mehriban qonşuluq və qarşılıqlı dəstək telləri bağlayır. Bu gözəl ənənələr hazırda iki ölkənin münasibətlərinin, strateji tərəfdaşlığının möhkəm əsasını təşkil edir. "Əminəm ki, Azərbaycan-Gürcüstan əməkdaşlığının, istər ikitərəfli qaydada, istərsə də, beynəlxalq və regional qurumlar çərçivəsində, daha da genişləndirilməsinə dair birgə səylərimiz bundan sonra da xalqlarımızın tərəqqisinə, regionda sülhün, sabitliyin və inkişafın təmin olunmasına kömək edəcək" - deyə İlham Əliyev bildirib.
...