Azərbaycan, Bakı, 27 oktyabr/ Trend , müxbir D.İbrahimova/ Əfqanıstan hökuməti və İSAF- ın (International Security Assistance Force) Əfqanıstanda narkotilərlə mübarizə üzə birgə planının həyata keçirilməsi hələ başlamayıb.
Əfqanıstanda narkoticarətlə birgə mübarizənin zəruriliyi haqqında qərarın qəbulundan üç həftə ötüb. Qərar NATO nazirlərinin oktyabrın 10-da Budapeştdə keçirilən iclasında qəbul edilib.
"Hazırda NATO - nun İSAF- ın narkotiklərin istehsalı və yayılması ilə mübarizədə iştirak etməsinə dair qərarını təcrübədə necə tətbiq etmək barədə təhlil aparılır", - İSAF- ın nümayəndəsi briqada generalı Riçard Blanşett (Richard Blanchette) elektron poçtla Trend - a bildirib.
Narkoticarətlə mübarizənin zəruriliyi, onun taliblərin əsas gəlir mənbəyi olması ilə izah olunur.
"Narkotik istehsalı və ticarəti üsyançıların mövcudluğunun əsas vasitələridir", - Əfqanıstanın narkotilərlə mübarizə naziri general Xodaydad Trend -a bildirib.
Yalnız son ildə narkoticarətdən əldə edilən gəlir dörd mlrd. dollar təşkil edib, - o bildirib.
""Taliban" hərəkatının nümayəndələri narkoticarətdən əldə edilən pullara silah alır və dinc sakinləri öldürürlər", - Blanşett bildirib.
İSAF-ın qüvvələri narkotiklərlə mübarizədə Əfqanıstan hökuməti ilə birgə fəaliyyət göstərirlər. Lakin, aparıcı rol problemin həlli üçün kifayət qədər qüvvəsi olmayan Əfqanıstan hökumətinə məxsusdur, - o bildirib.
"Narkotik istehsalı ilə mübarizə çətin vəzifədir. Narkotik əleyhinə siyasət, yalnız bu problem hərtərəfli nəzərdən keçirilərsə, səmərəli olacaq", - Blanşett bildirib.
Müəlliflə əlaqə saxlamaq üçün elektron ünvan: [email protected]