Azərbaycan, Bakı, 06 noyabr/ Trend , müxbir İ.Xəlilova/ 2009-cu ildə Azərbaycanın neft sənayesində artım davam edəcək, neft hasilatı həcminin 61,8 mln. ton səviyyəsində olacağı gözlənilir, - ölkənin iqtisadi inkişaf naziri Şahin Mustafayev cümə axşamı bildirib. 2010-cu ildə neft hasilatı 64,1 mln. ton səviyyəsində planlaşdırılıb.
Onun sözlərinə görə, 2009-2012-ci illərdə hasil edilən neftin 34,5 mln. tonu SOCAR şirkətinin payına düşəcək.
"2009-cu ilin makroiqtisadi göstəriciləri proqnozlaşdırılarkən neftin qiyməti bir barelə görə 80 dollar, sonrakı illərdə isə bir barelə görə 70 dollar səviyyəsində müəyyən edilmişdi", - Mustafayev bildirib.
Nazirin sözlərinə görə, 2009-cu ilin məcmu büdcəsinin proqnozları tərtib edilərkən, "daha mühafizəkar siyasətdən istifadə edilmişdi" və bir barelə görə 70 dollar qiymət əsas kimi götürlüb.
Müəlliflə əlaqə saxlamaq üçün elektron ünvan: [email protected]
