Azərbaycan, Bakı 21 aprel / Trend , müxbir C.Babayeva /
Azərbaycan Ziyalıları Birliyi (AZB) növbəti dəfə qərargah problemi ilə üzləşib.
"Birlik maddi çətinlik üzündən növbəti dəfə qərargahsız qalmaq təhlükəsi ilə üzləşib", - çərşənbə axşamı Trend -a AZB sədri Eldəniz Quliyev məlumat verib.
Trend -un arayışı: Azərbaycan Ziyalıları Birliyi ötən ilin yayında maddi imkansızlıq səbəbindən qərargahsız qalmaq təhlükəsi ilə üzləşmişdi. Birlik qərargahı tərk etsə də, sonradan bu problemi müvəqqəti olaraq həll edə bilmişdi.
Quliyevin sözlərinə görə, Azərbaycan Ziyalıları Birliyinin qərargahsız qalması neçə illərdir çətinliklə həyata keçirdikləri fəaliyyətin məhvinə səbəb ola bilər.
Trend -un arayışı: Azərbaycan Ziyalıları Hərəkatı 2003-cü ildə yaradılıb və 2007-ci ildə Ədliyyə Nazirliyində Azərbaycan Ziyalıları Birliyi kimi rəsmi qeydiyyatdan keçib. Təşkilatın məqsədi Azərbaycan ziyalılarının hüquqlarının müdafiəsi və müxalifətlə iqtidar arasında barışığa nail olmaqdır.
Məqalə müəllifi ilə əlaqə ünvanı: [email protected]