Azərbaycan, Bakı, 07 avqust / Trend , muxbir H.Bagırov /
Azərbaycan paytaxtında narkotik alveri ilə məşğul olan İran vətəndaşı saxlanılıb.
Bakının Əzizbəyov rayon Polis İdarəsindən Trend -a verilən məlumata görə, İran vətəndaşı, 1963-cü il təvəllüdlü Mehricuyi Pərviz Fərmandinovruz və Yardımlı rayon sakini, əvvəllər Cinayət Məcəlləsinin vergi ödəməkdən yayınma (213) maddəsi ilə axtarışda olan Vahid Özüxan oğlu Məmmədov şərti alıcıya 41,039 qram heroin satarkən tutulublar. Məmmədovun Bül-Bülə qəsəbəsində kirayədə yaşadığı evinə baxış keçirərkən oradan 10,243 qram heroin aşkar edilərək, götürülüb.
Məlum olub ki, həmin narkotik vasitələri Mehricuyi Pərviz Fərmandinovruz İrandan gətirib.
Faktla bağlı Cinayət Məcəlləsinin satış məqsədi ilə qanunsuz olaraq narkotik vasitələri və ya psixotrop maddələri əldə etmə və ya saxlama, hazırlama, istehsal etmə, emal etmə, daşıma, göndərmə, satma (234.2) maddəsi ilə cinayət işi başlayıb.
Məqalə müəllifi ilə əlaqə ünvanı: [email protected]
