Azərbaycan, Bakı, 23 dekabr / Trend , müxbir A.Hüseynbala/ Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) bələdiyyə seçkisi ilə bağlı 49 seçki dairəsində apardığı müşahidənin nəticələrini açıqlayıb.
Assosiasiyanın yaydığı məlumatda bildirilib ki, saat 13:00-a olan məlumata görə, seçicilərin 16-21 faizi səsvermədə iştirak edib.
Çərşənbə günü saat 08.00-da ölkənin bütün seçki məntəqələrində səsvermə başlayıb.
Ölkənin 1718 bələdiyyəsinə 15 682 bələdiyyə üzvünün seçilməsi nəzərdə tutulur.
Azərbaycanda bundan əvvəl iki dəfə - 1999 və 2004-cü illərdə yerli özünüidarəetmə orqanlarına seçkilər keçirilib.
Azərbaycanda bələdiyyə üzvlüyünə 31 minə yaxın namizəd qeydə alınıb. Bu seçkilərdə həmçinin 16 siyasi partiyanın irəli sürdüyü namizədlər qeydə alınıblar. Ümumilikdə isə namizədlər partiya mənsubiyyətinə görə 30 siyasi partiyanı əhatə edirlər.
MSK səsvermənin gedişi barədə saat 17.00 və 19.00-da məlumat verəcək.
Saat 13:00-a olan məlumata görə, seçicilərin 16-21 faizi səsvermədə iştirak edib - QHT
Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) 49 seçki dairəsində apardığı müşahidənin nəticələrini açıqlayıb.
