Azərbaycan, Bakı, 12 mart / Trend müxbir, S.Ağayeva/
Slovakiya xarici işlər naziri Miroslav Layçak martın 14-15-də Azərbaycana səfər edəcək. Bu barədə Azərbaycan XİN-dən Trend -a məlumat veriblər.
Slovakiya XİN-in rəhbərinin rəsmi səfəri çərçivəsində o, azərbaycanlı həmkarı Elmar Məmmədyarov, Milli Məclisin sədri Oqtay Əsədovla danışıqlar keçirəcək. Görüşdə ikitərəfli münasibətlərin cari vəziyyəti, bu münasibətlərin inkişaf perspektivlərinin yeni istiqamətləri, regional məsələlərin müzakirəsi planlaşdırılır.