Azərbaycan, Bakı, 15 avqust /Trend/
MDB Parlamentlərarası Assambleyası Şurasının Demokratiyanın, parlamentarizmin inkişafının və vətəndaşların seçki hüquqlarına riayət olunmasının monitorinqi Beynəlxalq İnstitutunun Bakı Filialı Azərbaycanda prezident seçkilərinin uzunmüddətli monitorinqinə başlayıb.
Filialdan Trend-ə verilən məlumata görə, monitorinq çərçivəsində Bakı Filialının Bakıda və respublikanın 5 bölgəsində: Sumqayıt, Qusar, Gəncə, Şəki və Lənkəranda ekspertlər qrupunun qərargahları yaradılıb.
Qərargahlarda fəaliyyət göstərən ekspertlər təsdiq olunmuş plana əsasən, prezident seçkilərinin təşkili və keçirilməsinin uzunmüddətli monitorinqini həyata keçirirlər. Qərargahların fəaliyyəti oktyabrın 10-dək davam edəcək. Aparılan monitorinqlərin nəticələri MDB PAA-nın aralıq hesabatında öz əksini tapacaq.