Azərbaycan, Bakı, 10 sentyabr /Trend/
Ermənistan Prezidenti Serj Sarkisyan sentyabrın 11-də Avropa İttifaqına (Aİ) üzv dövlətlərin ölkədəki səfirləri ilə görüşəcək.
Trend-in Ermənistan KİV-ə istinadən verdiyi məlumata görə, görüş S.Sarkisyanın dəvəti ilə baş tutacaq.
Məlumata görə, görüşdə Aİ-nin ayrı-ayrı ölkələrinin, ümumilikdə isə İttifaqın gələcəkdə Ermənistana münasibətdə mövqeyi müzakirə ediləcək.
Qeyd edək ki, Ermənistan Gömrük İttifaqına daxil olmaq istəyini açıqladıqdan sonra Aİ-nin bir çox struktur və ölkələrinin xeyli sayda vəzifəli şəxsləri rəsmi Yerevana qarşı kəskin bəyanatlarla çıxış etmişdilər.
Ermənistan Prezidenti görüşdə həmin mövqeyi yumşaltmağa çalışacaq.