Azərbaycan, Bakı, 7 oktyabr /Trend/
Böyük Britaniyanın yeni xüsusi xidmət orqanı Milli Antikriminal Agentliyi (National Crime Agency, NCA) bu gündən etibarən fəaliyyətə başlayacaq.
Trend RİA Novosti-yə istinadən məlumat verir ki, mütəşəkklil cinayətkarlıq və qeyri-qanuni miqrasiya ilə mübarizə aparacaq agentliyin 4 mindən çox əməkdaşı və 40 ölkədə nümayəndəliyi olacaq.
NCA cinayətkar qrupların beynəlxalq əlaqələrini aşkar etmək üçün 150 ölkənin hüquq mühafizə orqanları ilə əməkdaşlıq edəcək.