Gürcüstan, Tbilisi, 15 oktyabr /Trend, müxbir N.Kirtsxaliya/
Gürcüstanın Baş naziri Bidzina İvanişvili Qurban bayramı münasibətilə ölkə müsəlmanlarını təbrik edib.
Təbrikdə deyilir: "Bu böyük sevinc, ümid, sevgi və ehtiyacı olanlara kömək günüdür. Bu gün siz hamınız ürəkdən sevinirsiniz və mən də səmimi qəlbdən sizin sevincinizə qoşuluram, bayramı sizinlə birgə qeyd edirəm".
Təbrikdə vurğulanır: "Sizə ruh yüksəkliyi, firavanlıq, bizim Gürcüstanımızın möhkəmlənməsini və birləşməsini arzulayıram. Qoy sevinc və xoşbəxtlik sizinlə və sizin ailənizlə birgə olsun, Sizə bizim vətənimiz - Gürcüstanda dinc, sakit həyat arzulayıram".
Çərşənbə axşamı Baş nazir Tbilisidə məscidi ziyarət edərək şəxsən müsəlmanları bayram münasibətilə təbrik edəcək.