Kolleclərə qəbulda qadınların sayı kişiləri üstələyib

Cəmiyyət Xəbər 20 Noyabr 2026 15:50 (UTC +04:00)
Kolleclərə qəbulda qadınların sayı kişiləri üstələyib
Humay Ağacanova
Humay Ağacanova
Bütün xəbərlər

Bakı.Trend:

Bu il orta ixtisas təhsili müəssisələrinə tələbə qəbulu 61 müəssisə üzrə aparılıb.

Trend-in müxbiri xəbər verir ki, bunu Elm və Təhsil Nazirliyinin Elm, ali və peşə təhsili şöbəsinin sektor müdiri Səbinə Babayeva 2026/2027-ci tədris ili üzrə orta ixtisas təhsili müəssisələrinə tələbə qəbulunun nəticələrinə həsr olunmuş tədbirdə deyib.

O bildirib ki, orta ixtisas təhsili müəssisələri üzrə ümumilikdə 25 310 plan yeri nəzərdə tutulub.

“Qəbul nəticəsində 22 071 abituriyent tələbə adını qazanıb. Onların 85 faizi Elm və Təhsil Nazirliyinin tabeliyindəki təhsil müəssisələrinin payına düşür”, - deyə o qeyd edib.

Səbinə Babayeva əlavə edib ki, 2021–2026-cı illər ərzində qəbul olunanların 46 142 nəfəri (35,3 faiz) kişi, 84 461 nəfəri (64,7 faiz) qadın olub:

“Hesabat dövründə kişilərin qəbul sayında 7 faiz azalma, qadınların qəbul sayında isə 17,3 faiz artım qeydə alınıb”.

Məqalədə:

Xəbər lenti

Xəbər lenti