Bakı. Trend:
Qadın voleybolçuların Super Liqasının III turu çərçivəsində növbəti oyun keçirilib.
Gənclər və İdman Nazirliyinin (GİN) Voleybol Mərkəzində baş tutan qarşılaşmada “DH Volley” komandası “AZERRAIL” üzərində 3:0 hesablı qələbə qazanıb.
Görüşün setləri 25:16, 25:12 və 25:16 hesabı ilə başa çatıb.
Super Liqanın III turunun növbəti oyunu noyabrın 21-də saat 14:00-da “Murov Az Terminal” VK-nın idman zalında keçiriləcək. Qarşılaşmada “Murov Az Terminal” və “Gəncə” komandaları üz-üzə gələcəklər.
