Azərbaycan, Bakı, 23 oktyabr /Trend/
Keçmiş SSRİ-nin ilk və son prezidenti Mixail Qorbaçov Almaniyada müalicə olunur. Bu barədə Trend BBC-yə istinadən məlumat verir.
Qorbaçov Fondunun sədri Vladimir Polyakov "Assoşieyted Press" agentliyinə bildirib ki, bu, "fövqəladə vəziyyət deyil": "Unutmayın ki, onun 82 yaşı var".
Fondun mətbuat xidmətindən "İnterfaks"a deyiblər ki, həkimlər sabiq sovet liderinə müalicəni yarımçıq saxlamağı məsləhət görməyiblər.