Azərbaycan, Bakı, 15 yanvar /Trend, müxbir S.Əhmədova/
Azərbaycan NATO-nun çox mühüm tərəfdaşıdır. Trend-in məlumatına görə, bunu bu gün Rumıniyanın Azərbaycandakı səfiri Daniel Kristian Çiobanu jurnalistlərə bildirib.
D.Çiobanu deyib: "Azərbaycan və NATO arasında münasibətlər strateji əhəmiyyət daşıyır".
Səfirin sözlərinə görə, NATO Azərbaycanın təkcə hərbi deyil, həmçinin maliyyə, tranzit və təlimlər nöqteyi-nəzərindən Əfqanistana verdiyi töhfəni yüksək qiymətləndirir.
Rumıniya səfiri, həmçinin əfqan mütəxəssislərin Azərbaycan universitetlərində təlim almasını da çox müsbət qiymətləndirib.