Azərbaycan, Bakı, 11 fevral /Trend, müxbir R.Hafizoğlu/
Türkiyə korrupsiya ilə mübarizə aparacaq. Trend-in çərşənbə axşamı "Anadolu" agentliyinə istinadən verdiyi məlumata görə, bunu Türkiyənin maliyyə naziri Mehmet Şimşək deyib.
Onun sözlərinə görə, hökumət korrupsiyaya qarşı mübarizə ilə yanaşı, yeni iqtisadi islahatlar keçirmək niyyətindədir.
M.Şimşək qeyd edib ki, hökumətin Türkiyədə xaos yaratmaq yolu ilə hakimiyyətə gəlmək istəyən bəzi qüvvələri aradan qaldırmaq cəhdləri bəzi dairələr tərəfindən demokratiyanın yatırılması kimi qiymətləndirilir.