Azərbaycan, Bakı, 11 iyul /Trend, müxbir Rufiz Hafizoğlu/
İraq HHQ-nin təyyarələri "İraq və Şam İslam Dövləti" təşkilatının yaraqlılarının nəzarəti altında olan Mosulda "Kayara" neft emalı zavoduna (NEZ) iki raket zərbəsi endirib. Trend-in məlumatına görə, bu barədə cümə günü "Anadolu" agentliyi xəbər yayıb.
Raket zərbələri nəticəsində NEZ-də yanğın baş verib. Yanğın çətinliklə söndürülüb.
"Kayara" NEZ-ə və "Hammam əl-Əlil" şirkətinin anbarlarına aviazərbələrin iyulun 10-da endirildiyi xəbər verilir.
"Kayara" NEZ bir aydan çoxdur ki, "İraq və Şam İslam Dövləti" terror təşkilatının yaraqlılarının və bəzi silahlı sünni qruplaşmaların nəzarəti altındadır.