Azərbaycan, Bakı, 19 sentyabr /Trend, müxbir Rufiz Hafizoğlu/
Türkiyə suriyalı qaçqınlar üçün sərhədi açıb və hazırda "İslam Dövləti" terror təşkilatının təhdidlərinə görə evlərini tərk etmiş min nəfərdən çox suriyalı Türkiyə ərazisinə keçmək istəyir.
Trend-in "Milliyyət" qəzetinə istinadən verdiyi məlumata görə, hazırda Türkiyə ərazisinə yalnız qadın və uşaqlar buraxılır.
Daha əvvəl verilmiş məlumata əsasən, Suriya-Türkiyə sərhədində 20-dən artıq yaşayış məntəqəsi "İslam Dövləti"nin nəzarətinə keçib.