Azərbaycan, Bakı, 14 noyabr /Trend, müxbir Səba Ağayeva/
Zərərçəkənlər və onların vətəndaşlığı hazırda dəqiqləşdirilir.
Azərbaycanın Fransadakı səfiri Elçin Əmirbəyov Trend-ə bildirib ki, bu barədə səfirliyə Fransa Xarici İşlər Nazirliyində (XİN) yaradılmış böhran mərkəzindən məlumat verilib.
Səfirin sözlərinə görə, hələ ki zərərçəkənlər və onların vətəndaşlığı tam müəyyən edilməyib, araşdırma hazırda davam edir.
E.Əmirbəyov deyib ki, növbəti saatlarda səfirlik tərəfindən Fransa XİN ilə yenidən əlaqə saxlanılacaq.
Qeyd edək ki, Parisdə baş verən atışma və partlayışlar nəticəsində ölənlərin sayı 150 nəfəri ötüb.