Bakı. Anaxanım Hidayətova - Trend:
Brüsseldə NATO-nun üçüncü diplomatik forumu keçirilib. Forumda NATO-nun Azərbaycandakı rezident-əlaqələndiricisi, Rumıniyanın ölkəmizdəki səfiri Daniel Kristian Çiobanu iştirak edib.
Bu barədə Trend Rumıniya səfirliyinə istinadən məlumat verir.
Forumda iyulun 8-9-da keçiriləcək NATO-nun Varşava sammitinə hazırlıq məsələləri müzakirə olunub. Həmçinin, səmərəli rəqəmsal diplomatiyanın yeni imkanlarına həsr edilmiş ustad dərsləri və s. keçirilib.